മലയാളമറിയില്ലാത്ത യന്ത്രം!

കുറച്ചു കാലത്തേക്ക്‌ ബ്ലോഗിങില്‍ നിന്ന്‌ അവധി എടുത്തേ പറ്റൂ എന്ന സ്ഥിതിവിശേഷം വന്നിരിക്കുന്നു (ചുമ്മാ! നമ്മളങ്ങനെ ബ്ലോഗി ബ്ലോഗി വല്യ ബ്ളോഗിനിയായിട്ടൊന്നുമല്ല. ചുമ്മാ വന്നു വായിക്കും , ചിരിക്കും, വായിച്ചു കേള്‍പ്പിക്കും, ചിരിപ്പിക്കും. അത്രയേ ബ്ലോഗിങ്ങു കൊന്ടുദ്ദേശിച്ചുള്ളു!).

സ്വന്തമായിട്ടുള്ള മടിക്കംപ്യുട്ടര്‍ 'മാക്' എന്നു പറയുന്ന അല്പം സൌന്ദര്യമുള്ള നങ്ങേലിപ്പെണ്ണാണ്‌ (വിന്‍ഡോസ് എന്ന സംഭവം പേക്കാച്ചിത്തവളയാണെന്നൊന്നുമല്ലട്ടോ ഞാനുദ്ദേശിച്ചത്‌). അതില്‍ മലയാളം വരുന്നില്ല... ഏതാണ്ടൊക്കെ സോഫ്റ്റ്‌വെയര്‍ ഉപയോഗിച്ചാല്‍ ഫലമുണ്ടാവും എന്നാരോ പറഞ്ഞു. അതു പരീക്ഷിക്കുന്നതു വരെ ഇനി ബൂലോഗത്തു നടക്കുന്നതൊന്നും വായിച്ചറിയാനുള്ള ഭാഗ്യം, ഈ ഹതഭാഗ്യക്കുന്ടാവില്ല. (പരീക്ഷിച്ചാലും വലിയ ചാന്‍സൊന്നുമില്ല ശരിയാവുമെന്ന്‌)

ജോലി വഴിയായുന്ടായിരുന്ന 'വിന്ഡോസ്' കുന്ത്രാന്ടം തിരികെ കൊടുത്ത്‌ അവിടെയും ഇനി ഒരു 'മാക്' കുന്ത്രാന്ടം മതിയെന്നു തീരുമാനിച്ചതില്‍ പതിയിരുന്ന ഒരു ചതി. ബില്‍ ഗേറ്റ്സിന്റെ പ്രതികാരം.
എന്റെ ബൂലോഗരേ, ആര്‍ക്കെങ്കിലുമീ 'മാക്' കുന്ത്രന്ടത്തിനെ മലയാളം പഠിപ്പിക്കണ വിദ്യ അറിയാമെങ്കില്‍ എന്നോടു കൂടിയൊന്നു പറയണേ! മലയാളത്തില്‍ പറഞ്ഞാല്‍ തിരിയില്ലാത്ത യന്ത്രമുള്ള ഈ പാവത്തിന്‌ പ്രതിവിധികള്‍ വല്ലതുമുന്ടെങ്കില്‍ അത്‌ ഇ-മെയിലായി അയച്ചു തരിക. വിലാസം, കുഞ്ഞന്ന അറ്റ്‌ ഗൂഗ്‌ള്‍മെയില്‍.കോം

കൊറേ ശ്രമിച്ച്‌ നടന്നില്ലെങ്കില്‍ ഞാനാ കുമ്പിടിയെ വിളിച്ചു വല്ല ചാത്തന്‍സേവയും നടത്തിക്കളയും.

ഇനി ഞാന്‍ വായിക്കാന്‍ വരുമ്പഴത്തേക്കും ബൂലോഗത്തിലെ ആസ്ഥാനബ്ലോഗരൊക്കെ വളര്‍ന്ന്‌, പന്തലിച്ച്‌, വടവൃക്ഷങ്ങളാകട്ടെ എന്നു ഞാനാശംസിക്കുന്നു. നുമ്മക്കും അതിന്റെ ചോട്ടിക്കേറി സൊറ കേട്ടിരിക്കാല്ലോ.

മാര്‍പാപ്പയും ഇസ്ലാമും ഒരു പ്രസംഗവും!

പൊതുവേ മാര്‍പാപ്പയോടും കത്തോലിക്കാ സഭയോടും അത്രയൊന്നും പ്രതിപത്തിയൊന്നും ഇല്ലാത്ത ഒരാളാണ്‌ ഞാന്‍ (അതല്പം മയപ്പെടുത്തി പറഞ്ഞതാണ്‌ - സത്യത്തില്‍ എനിക്ക്‌ വളരെ വിയോജിപ്പുള്ള ഒരു പ്രസ്ഥാനമാണത്‌). എന്നാല്‍ അടുത്തിടെ, മാര്‍പാപ്പയുടേതായി ഇസ്ലാമിനെക്കുറിച്ചുവന്ന അഭിപ്രായങ്ങള്‍ വായിച്ചപ്പോള്‍ എനിക്കു തോന്നി - എവിടെയോ എന്തോ സ്പെല്ലിങ് മിസ്റ്റേക്കുന്ടല്ലോ.

വാര്‍ ഓണ്‍ ടെറര്‍, ഡാനിഷ് കാര്‍ട്ടൂണ്‍സ്‌, ഹീത്രൊ എയര്‍പോര്‍ട്ടില്‍ നിന്നു പറക്കുന്ന വിമാനങ്ങളില്‍ നടക്കുവാന്‍ സാധ്യതയുന്ടെന്നാരോപിക്കപ്പെട്ട വിമാനസ്ഫോടന പരമ്പരകളും അതിനെക്കുറിച്ചു യൂറൊപ്പു മുഴുവനുന്ടായ പിരിമുറുക്കങ്ങളും - തുടങ്ങി ഇത്രയേറെ കലുഷിതമായിരിക്കുന്ന ഒരു അന്തരീക്ഷത്തിലേക്ക്‌ അല്പമെങ്കിലും ചിന്തിച്ചാല്‍ ഒരു പരമോന്നത മതാധ്യക്ഷന്‍ അത്തരം ഒരു 'എമണ്ടന്‍' പടക്കം എടുത്തെറിയില്ല. പിന്നെ എവിടെ, ആര്‍ക്കാണ്‌ തെറ്റ്‌ പറ്റിയത്‌?

ഇതിനെക്കുറിച്ചൊന്നറിയാന്‍ മാര്‍പാപ്പയുടെ പ്രസംഗത്തിന്റെ പൂര്‍ണരൂപം തേടിപ്പിടിച്ചു്‌ വായിച്ചു. കൂടാതെ ഇതു പ്രസംഗിച്ച 'കോണ്‍റ്റെക്സ്റ്റും' പരിശോധിച്ചപ്പളല്ലേ കാര്യം പിടികിട്ടിയത്‌.

യൂണിവേഴ്സിറ്റി ഓഫ്‌ റെഗെന്‍സ്‌ബെര്‍ഗിലെ കാംപസില്‍ വച്ചു തിയോളജി വിദ്യാര്‍ഥികളോടു നടത്തിയതാണ്‌ ഈ പ്രസംഗം. ഈ പോപ്‌ പോപ്പാവുന്നതിനും , കര്‍ദിനാളാവുന്നതിനും ഒക്കെ വളരെ മുമ്പ്‌ ഈ യൂണിവെഴ്സിറ്റിയിലെ, ഈ തിയോളജി ഫാക്കല്‍റ്റിയില്‍ പഠിപ്പിച്ചിരുന്നു. അതായത്‌ മാര്‍പാപ്പക്ക്‌ ഇതൊരു 'ട്രയംഫന്റ് റിട്ടേണാ'യിരുന്നു - പന്ടു പഠിപ്പിച്ച കലാലയത്തിലേക്ക്‌ കത്തോലിക്കാ സഭയുടെ പരമാധ്യക്ഷനും, കാതലിക്‌ തിയോളജിയുടെ അവസാനത്തെ വാക്കുമായി മാറിയതിനു ശേഷമുള്ള ആദ്യ വരവ്‌. ഒരു കടി കട്ടിയുള്ള തിയോളജി വിഷയം തന്നെയായിക്കോട്ടെ പ്രസംഗിക്കാനായിട്ട് എന്ന്‌ നിരീച്ചു കാണും അദ്ദേഹം! അങ്ങനെ, ആപത്തിന്റെ ആദ്യ കരു നീങ്ങി.

ആപത്തിന്റെ രന്ടാം കരുവായത്‌ മാര്‍പാപ്പയുടെ പഴയ ജോലിയാണ്‌. പോപ് ആകുന്നതുവരെയുന്ടായിരുന്ന 'കോണ്‍ഗ്രിഗേഷന്‍ ഫോര്‍ ദ ഡോക്റ്റ്റിന്‍ ഓഫ്‌ ഫെയിത്‌' എന്നറിയപ്പെടുന്ന പേപല്‍ ബോഡിയുടെ തലവന്‍ എന്ന കടുകട്ടിയായ സൈദ്ധാന്തികവേഷം. അതായത്‌ ആധ്യത്മികവാദഗതികളൊക്കെയെടുത്തിട്ട്‌ തിരിച്ചും മറിച്ചും അമ്മാനമാടുന്ന 'അക്കാഡമിക്' ലൈന്‍.

ചുരുക്കി പറഞ്ഞാല്‍, താന്‍ ഇപ്പോള്‍ ലോകത്തിന്റെ മുഴുവന്‍ ശ്രദ്ധാകേന്ദ്രമാണെന്നും, താന്‍ പറയുന്നതു ഒരു നല്ല തിയോളജി ചര്‍ച്ച എന്ന നിലക്കൊന്നും കാണാതെ, അല്പം മാത്രം വായിച്ച്‌ ബാക്കി കൂട്ടിച്ചേര്‍ത്ത്‌ വ്യഖാനിക്കാനായിരിക്കും മാധ്യമങ്ങള്‍ക്കു താല്പര്യം എന്നുമുള്ളതു മാര്‍പാപ്പ മറക്കാന്‍ ഈ രന്ടു കാര്യങ്ങളും കാരണമായിരിക്കണം.

പ്രസംഗത്തിന്റെ പ്രസക്ത ഭാഗങ്ങള്‍ ബാക്കി ഭാഗങ്ങളുമായി ചേര്‍ത്തു വായിച്ചാല്‍ മനസ്സിലാകുന്നതിതാണ്‌. മാര്‍പാപ്പയുടെ ആശയം വേറൊന്നുമല്ലാ - വിവേചനബുദ്ധിയോടല്ലാതെ പ്രവര്‍ത്തിക്കുന്നത്‌ ദൈവത്തിന്‌ വിരുദ്ധമാണ്‌. (എന്റെ തര്‍ജമ ശരിയായില്ലെങ്കില്‍, in English - Not to act in accordance with logos (reason) is contrary to God's nature).

വിശ്വാസവും വിവേചനവും ഒന്നിച്ചു കൊന്ടു വരണമെന്ന ഒരു ആശയമാണ്‌ ഇവിടെ പോപ് പറയാന്‍ ശ്രമിച്ചത്‌. തികച്ചും കാലികപ്രസക്തിയുള്ള ഒരു വിഷയം. (ഇതിനെക്കുറിച്ച്‌ ഞാന്‍ ഒരു പോസ്റ്റിടാനുദ്ദേശിക്കുന്നുന്ട്, നാളെയോ മറ്റന്നാളോ).

അതിനായി മാനുവല്‍ രന്ടാമന്‍ എന്ന ചക്രവര്‍ത്തിയുടെ വാക്കുകള്‍ ഒരു സൂചകമായി തിരഞ്ഞെടുത്തു. എന്നിട്ട്‌ ഒരു തിയോളജിക്കല്‍ ചര്‍ച്ചയില്‍ മാത്രം പറഞ്ഞു ഫലിപ്പിക്കാവുന്ന, അല്ലെങ്കില്‍ അത്തരം ഒരു സദസ്സിനുമാത്രം മനസ്സിലാവുന്ന ഈ വിഷയം ലോകമാധ്യമങ്ങള്‍കൂടി ചെവിതരുന്ന ഒരു സദസ്സില്‍ അവതരിപ്പിച്ചു എന്നതാണ്‌ മാര്‍പാപ്പക്ക്‌ പറ്റിയ കയ്യബദ്ധം ("ആളറിഞ്ഞു വിളമ്പണം" അല്ലെങ്കില്‍ "പാത്രമറിഞ്ഞു ദാനം ചെയ്യണം" എന്നൊക്കെ നമ്മുടെ കാര്‍ന്നോന്മാര്‍ പറയുന്നതെത്ര സത്യം!) .

അതു കേട്ട ഉടനെ രന്ടുമൂന്നു വാചകങ്ങള്‍ ഇഴപിരിച്ചെടുത്തതൊരു എരിതീയാക്കി നമ്മുടെ ലോകമാധ്യമങ്ങള്‍. പറഞ്ഞതില്‍ പാതി കേട്ടതു പാതി മനസ്സിലായ ഉടനെ, മാര്‍പാപ്പ ക്ഷമ പറയണം എന്നൊക്കെ വിളിച്ചു കൂവാനും ആളുന്ടായി.

ഒരു പ്രസംഗം വരുത്തിയ വിനകളേയ്‌. ഇനിയേതായാലും പലവട്ടം ചിന്തിച്ചും പഠിച്ചും പൊളിച്ചെഴുതിയുമേ മാര്‍പാപ്പ പ്രസംഗിക്കാനിറങ്ങിപ്പുറപ്പെടാന്‍ വഴിയുള്ളു.

'പ്ലാനെറ്റ്സ്‌' എന്ന പദത്തിലെ 92 മറ്റ്‌ പദങ്ങള്‍!

മന്‍ജിത് ഒരു പോസ്റ്റില്‍ ഡാവിന്ചി കോഡില്‍ പറഞ്ഞിരിക്കുന്ന ഒരു കാര്യം - PLANETS എന്ന ഇംഗ്ലീഷ്പദത്തില്‍ 92 വേറെ പദങ്ങള്‍ കൂടെ ഉണ്ട് എന്നു പറഞ്ഞിരിക്കുന്നതു ചൂന്ടിക്കാണിച്ചിരിന്നു. എന്നിട്ട് അതൊക്കെ ഒന്നു കന്ട് പിടിക്കാനും പറഞ്ഞു. 51 വരെ ഒക്കെ കമന്റില്‍ കന്ടു.

ഒരു രസത്തിനു ഞാനും ചെയ്തു നോക്കി. ഇതാ ലിസ്റ്റ്‌ ഇവിടെ.

ചെയ്തുനോക്കിയപ്പോള്‍ 92 അല്ല, മൊത്തം 112 എണ്ണം ഉന്ടു.

ഇനി ഇതില്‍ 'പ്ളൂറല്‍' പദങ്ങള്‍ ഒഴിവാക്കിയാല്‍ കിട്ടും 92. അതായത്, ആ ലിസ്റ്റില്‍ 20 'പ്ളൂറല്‍' പദങ്ങള്‍ ഉന്ട്‌.

1 A
2 Ale
3 Ales
4 An
5 Ant
6 Ants
7 Ape
8 Apes
9 Apt
10 As
11 At
12 Ate
13 East
14 Eat
15 Eats
16 Elan
17 Lane
18 Lanes
19 Lap
20 Laps
21 Last
22 Lasts
23 Late
24 Lea
25 Lean
26 Leap
27 Leaps
28 Least
29 Lest
30 Let
31 Lets
32 Nap
33 Nape
34 Neat
35 Nest
36 Net
37 Nets
38 Pal
39 Pals
40 Pan
41 Pane
42 Pans
43 Pant
44 Pants
45 Past
46 Pat
47 Pats
48 Pea
49 Peal
50 Peals
51 Peas
52 Peat
53 Pelt
54 Pelts
55 Pen
56 Pens
57 Pest
58 Pet
59 Pets
60 Plan
61 Plane
62 Planes
63 Planet
64 Planets
65 Plans
66 Plant
67 Plants
68 Plate
69 Plates
70 Plea
71 Pleas
72 Pleat
73 Pleats
74 Sale
75 Salt
76 Sane
77 Sap
78 Sat
79 Sea
80 Seal
81 Lent
82 Slept
83 Staple
84 Seat
85 Set
86 Slant
87 Slap
88 Slat
89 Slate
90 Sneap
91 Spa
92 Spae
93 Span
94 Spat
95 Spate
96 Spent
97 Splat
100 Steal
98 Sten
99 Step
101 Tale
102 Tales
103 Tan
104 Tap
105 Taps
106 Tea
107 Teal
108 Teas
109 Teat
110 Ten
111 Tens
112 Test

ഈ ലിസ്റ്റില്‍ മിക്കവാറും പേര്‍ക്കും അധികം പരിചയം ഇല്ലാത്ത വാക്കുകള്‍ ഇതായിരിക്കാനാണൂ്‌ സാധ്യത.

- Sneap
- Lea
- Spae

സംശയം ഉള്ളവര്‍ മിറിയം വെബ്സ്റ്റേഴ്സ്‌ പോലെ ഏതെങ്കിലും ഡിക്‌ഷനറി നോക്കുക.

നല്ല രസം. ഇങ്ങനെ, സമയം പോകാന്‍ ഒരു വഴി കാണിച്ചു തന്ന മന്‍ജിത്തിനു നന്ദി.

ഒരു തൊണ്ണൂറ്റെട്ടിന്ടെ കണക്ക്‌!

എനിക്ക് പണ്ടേ അറിയാന്‍ പാടില്ലാത്ത ഒരു വിഷയമാണ്‌ കണക്ക്. ജോലിയുടെ ആവശ്യത്തിനൊക്കെ പരിചയപ്പെടുന്നവരോട്‌ ഞാന്‍ "മാത്തമറ്റിക്കലി ചലന്ച്ട്" ആണെന്നു സ്വയം പരിചയപ്പെടുത്താറുണ്ട്‌. അവരു വെല്ലോം കേറി ഒന്നും ഒന്നും എത്രയാ എന്നും മറ്റും ചോദിച്ചുകളയാതിരിക്കാനായിട്ട് ഒരു മുന്‍കൂര്‍ജാമ്യം. അത്രയേ ഉള്ളൂ.

പക്ഷേ ഈ കണക്ക് കേട്ടിട്ട്‌ എന്തോ സാധാരണയില്‍ കവിഞ്ഞ ഒരു അസ്കിത!

കഴിഞ്ഞ ഓണക്കാലത്ത് നമ്മുടെ നാട്ടില്‍ വിറ്റ മദ്യം 98 കോടി രൂപയുടേത്. ഇതു ആകെ മൊത്തം കണക്കൊന്നുമല്ല. സര്‍ക്കാര്‍ നടത്തുന്ന ബിവെറേജസ് കോര്‍പ്പറേഷന്‍ എന്ന പൊതുമേഖലാ സ്ഥാപനത്തില്‍ നിന്ന്‌ മാത്രം വിറ്റ് പോയത്‌. അതായത്‌ കാവും പാട്ടെ ഗോപിയും പള്ളിപ്പാട്ടെ വറീതും മറ്റും (വങ്ങിക്കുന്നവരുടെ) ജീവന്‍ പണയം വെച്ചു ചെയ്യുന്ന ജനസേവനം, അല്ലെങ്കില്‍ ജലസേചനം ഇതിനു പുറമേ.

അതായത് ഏതാണ്ട് മൂന്നുകോടി ജനങ്ങളുള്ള നമ്മുടെ നാട്ടില്‍ ഈ ഓണത്തിന്‌, നമ്മടെ മൂത്തതുമിളയതുമാണ്പെണ്ണായതെല്ലം ആളൊന്നുക്കു്‌ കുടിച്ചത് മുപ്പതു കോടിയുടെ കള്ള്‌!
ഈ കണക്ക്‌, ഇതെങ്ങനെ സത്യമാവാനാ ദൈവമേ!

ഇപ്പം ഞാന്‍ പറഞ്ഞതു മനസ്സിലായല്ലോ? ഇത്രയും കേമമാണ്‌ എന്റെ കണക്കിലെ പാടവം!

കളി അവടെ നിക്കട്ടെ! ഇനി കാര്യം.

മുപ്പതു കോടിയൊന്നും ആളൊന്നുക്കു വച്ചില്ലെങ്കിലും വെറും മൂന്നു്‌ കോടിജനങ്ങളുള്ള നമ്മുടെ സംസ്ഥാനത്തില്‍ 98 കോടിയുടെ മദ്യം ഒരു വലിയ അളവാണ്‌.

അടുത്തിടെ നടകാചാര്യന്‍ ശ്രീ: ജോസിന്റെ മരണം പരാമര്‍ശിച്ചെഴുതിയ ഒരു ബ്ലൊഗില്‍ കന്ട കമന്റ് കടം പറഞ്ഞൊന്നെടുത്തോട്ടേ:

എന്റെ ദൈവമേ, ഈ മലയാളികള്‍ എന്തിനിത്രയും കുടിക്കുന്നു?

അധികമായല്‍ അമൃതും വിഷം എന്ന മനോഹരമായ പഴന്ചൊല്ലുണ്ടായിട്ടും 'മിതം' എന്നൊരു വാക്കേ ഭാഷയിലില്ലാത്ത ഒരു ജനതയെപ്പോലെ നമ്മള്‍ കുടിക്കുന്നു, കുടിച്ചു മരിക്കുന്നു, കുടിച്ചു കൊല്ലുന്നു!

ഇത്‌ ഒരു ഗിരിപ്രഭാഷണം അല്ലാത്തതു കൊണ്ടു, ആദ്യത്തേതു രണ്ടും ഞാന്‍ ചര്‍ച്ചക്കൂടിന്റകത്തു നിന്നും തുറന്നു വിടുന്നു. എന്ടെ പരിഭവം അവസാനത്തെ ഐറ്റത്തോടാണ്‌. ഈ കുടിച്ചു കൊല്ലല്‍.

മദ്യപിച്ച്‌ വാഹനം ഓടിക്കരുതെന്ന്‌ ഒരു നിയമം വാഹനവും മദ്യവും ഉപയോഗത്തിലുള്ള എല്ലാ നാടുകളിലുമുന്ടെങ്കിലും, അതൊന്ന്‌ നേരാം വണ്ണം തൃണവല്‍ക്കരിക്കുന്നത്‌ കാണണമെങ്കില്‍, നമ്മുടെ നാട്ടില്‍ തന്നെ വരണം.

നാടായ നാടു മുഴുവനുമുള്ള പയ്യന്മാര്‍ കള്ളുഷാപ്പുകളും ബാര്‍ഹോട്ടലുകളും ബിയര്‍പാര്‍ലറുകളും തേടിയിറങ്ങുന്നത്‌ ഇരുചക്രം അല്ലെങ്കില്‍ നാല്‍ചക്രം ഉള്ള ശകടങ്ങളില്‍. നാലാളുകൂടി കുടിക്കാന്‍ പോയാല്‍ ഒരാളെങ്കിലും കുടിക്കാതിരിന്നിട്ട്‌ ബാക്കി മൂന്നിനേയും, അവര്‍ക്കോ, അതിലും പ്രധാനമായി മറ്റാര്‍ക്കുമോ, ആപത്തൊന്നും വരുത്താതെ വീട്ടിലെത്തിക്കുന്നതൊക്കെ വിവരമില്ലാത്ത ഗോസായിമാര്‍ ചെയ്യുന്ന രീതികള്‍. നമുക്കതൊന്നുമല്ല, നാലാളും കുടിച്ചു പിമ്പിരിയായി, മുന്നേതാ, പിന്നേതാ എന്നറിയാത്ത പോലെ വണ്ടി ഓടിച്ച്‌, പറ്റിയാല്‍ ഏതെങ്കിലും വലിയ വണ്ടിക്കട വെക്കണം, അല്ലെങ്കില്‍ ഓരം പറ്റിപ്പോവുന്ന ഏതെങ്കിലും സാധുവിന്‌ പരലോകത്തേക്കുള്ള വിസ ഠപ്പേന്ന്‌ റെഡിയാക്കിക്കൊടുക്കണം.

ഇതിലുമുപരിയായി, തരം കിട്ടുമ്പോളെല്ലാം 'എത്റ അടിച്ചാലും ഞാന്‍ സ്റ്റെടിയാ' എന്ന്‌ വീമ്പ്‌ പറയണം.

ശരിയല്ലേ ബ്ലൊഗരേ?

എന്തിനധികം, മാപ്രാണം കള്ളുഷാപ്പിപ്പൊയ കഥ പറഞ്ഞ്‌ ബ്ലൊഗരായ ബ്ലൊഗരെയെല്ലാം ചിരിപ്പിച്ച കുറുമാന്‍ജി പോയതും ബൈക്കില്‍. കുടുക്കകള്‍ പലവട്ടം നിറഞ്ഞൊഴിഞ്ഞിട്ട്‌ വേച്ച്‌ വേച്ച്‌ പുറത്തിറങ്ങിയിട്ടുള്ള ബാക്കി കഥ കുറുമാന്‍ജി പറഞ്ഞില്ല. ബൈക്കിക്കേറി അപ്പോള്‍ തന്നെ വിട്ടുകാണുമോ, അതോ ഒരു റ്റാക്സി വിളിച്ച് പോയിക്കാണുമോ? അറിയില്ല.

(കുറുമാന്‍ജി - പുതുതായിട്ട്‌ വന്ന എന്റെ അര്‍ഹത ഇല്ലാത്ത വിമര്‍ശനമായി ഇതിനെക്കാണല്ലേ. വിമര്‍ശിക്കുകയല്ല കേട്ടൊ. മദ്യപിച്ച്‌ വണ്ടി ഓടിക്കുന്നത്‌ തികച്ചും ഒരു സാധാരണ സംഭവം പോലെ, ഒരു ചോദ്യഛിന്ഹം പോലുമുയര്‍ത്താതെ നമ്മുടെ സാമുഹികാവബോധത്തിലേക്കു പകര്‍ന്നു കയറിയെന്നു ചൂണ്ടിക്കാണിക്കാന്‍ ഒരു ഉദാഹരണം പറഞ്ഞതാണു കേട്ടോ. ഇഷ്ടപ്പെട്ടില്ലെങ്കില്‍ ക്ഷമ ചോദിക്കുന്നു).

ഇന്നു കുഞ്ഞന്ന ഇത്രയേ പറയുന്നുള്ളു!

പിന്നെപ്പറഞ്ഞത്‌:- വരമൊഴി ശരിക്കും വഴങ്ങിത്തുടങ്ങാത്തതു കൊണ്ട്‌ അക്ഷരത്തെറ്റുകള്‍ ധാരാളം. ക്ഷമിക്കുക.

കുഞ്ഞന്ന പറഞ്ഞത്!

കുഞ്ഞന്ന ഇതേ വരെ ഒന്നും പറഞ്ഞിട്ടില്ല! പക്ഷേങ്ക് താമസിയാതെ പറഞ്ഞു തുടങ്ങും മാളോരെ!

എന്നെക്കൊണ്ടൊന്നും പറേപ്പിക്കണ്ടെന്നും പറഞ്ഞാ ഇറേത്തിരുന്നു മുറുക്ക്വാണു കേട്ടോ ഇപ്പം! അതോ മുറുമുറുക്ക്വാണോ?

ആ!